एन आई सी एशिया बैंक लिमिटेड र WORLD REMIT LTD. बिच रेमिटेन्स सम्झौता

2019-01-09

एन आई सी एशिया बैंक लिमिटेडले World Remit Ltd. सँगको सहकार्यमा ५० भन्दा बढी देशबाट इनवार्ड रेमिटेन्सको सुरुवात गरेको छ । बैंकले यस सम्बन्धमा  World Remit Ltd., UK सँग सम्झौता गरि नेपाल राष्ट्र बैंकबाट मिति २०७५÷०८÷२३ मा स्वीकृति प्राप्त गरेसँगै विभिन्न ५० भन्दा बढी देशहरुबाट इनवार्ड रेमिटेन्स सुरु गरेको हो । 

उक्त सम्झौता अनुसार World Remit Ltd. मार्फत Qatar, Saudi Arabia, UAE, Kuwait, Japan, Canada, Australia, New Zealand, UK, USA / Europe लगायत विभिन्न ५० भन्दा बढी देशमा रहेका नेपालीहरुले नेपालमा रहेका आफन्तहरु वा अन्य व्यक्तिहरुले तुरुन्त भुक्तानी पाउने गरी पठाएको विप्रेषण रकम यस बैंकका मुलुकभर फैलिएको २७० वटा शाखा कार्यालयहरु तथा ६,७०० भन्दा बढी सहायक प्रतिनिधिहरु मार्फत सरल र सुलभ रुपमा भुक्तानी पाउन सकिने छ । 

World Remit को ग्राहकमहानुभावहरुले एजेन्टका मार्फत विप्रेषण सेवा नलिकन आफै आफ्नो Mobile मार्फत परिवार तथा साथीहरुलाई तुरुन्त भुक्तानी पाउने गरी पैसा पठाउन सक्नुहुनेछ । यो सेवाले ग्राहकमहानुभावहरुको समय तथा पैसाको बचत हुनेछ । World Remit को न्यूनतम शुल्क तथा ठूलो साझेदार विस्तारका कारण नेपालमा आउने World Remit मार्फतका कारोवार वार्षिक १६०% ले वृद्घि भइरहेको छ । World Remit ले आफ्ना ग्राहकवर्गहरुलाई आफ्नो परिवार तथा साथीहरुलाई विभिन्न माध्यम जस्तै cash pickup तथा   Bank transfer द्वारा पैसा पठाउने सेवा दिइरहेको छ । 

एन आई सी एशिया बैंकलाई आम जनमानसले गरेको प्रगाढ विश्वास, अगाध स्नेह र बैंक प्रतिको भरोसाले गर्दा मुलुकभर २७० शाखा कार्यालयहरु, २८९ एटिएम, ३७ वटा एक्स्टेन्सन काउण्टर एवं २२ वटा शाखारहित बैंकिङ्ग मार्फत बैंकिङ्ग सेवा प्रदान गर्ने  मुलुककै सबैभन्दा ठूलो शाखा सञ्जाल भएको बैंक हुन सफल भएको छ । बैंकको वासलातको आकार रू. २१५ अर्ब भन्दा बढि पुगेको छ भने कुल निक्षेप करिब रू. १६९ अर्ब पुगि निजी क्षेत्रबाट स्थापित बैंकहरु मध्ये नेपालको सबैभन्दा ठूलो बैंक तथा कुल कर्जा करिब रू. १४७ अर्ब सहित निजी क्षेत्रका बैंकहरु मध्ये नेपालको सबैभन्दा ठूलो बैंकको रुपमा बैंकले आफ्नो पहिचान बनाउन सफल भइसकेको छ । हालसम्म यस बैंकमा ग्राहकको संख्या करिब १४ लाख रहेको छ । साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालना गर्दै आएको छ । 

 

सुधिर नाथ पाण्डे

नायब प्रमुख कार्यकारी अधिकृत (सुचना अधिकारी) 

Download file for full story :

एन आई सी एशिया बैंक लिमिटेड र WORLD REMIT LTD. बिच रेमिटेन्स सम्झौता

Top